يسعد صباحك زينه

"الملاحظات كتيرة بس ابرزها: تحديد القيم المطلوبه من العلاقه والتي تؤدي لتفادي الخلافات. التوازن بين الطاقه الانثوية والطاقة الذكوريه مهم جدا لنجاح العلاقه. مهم جدا تفهم الرجل، الرجل بيحب يلي بتفهمو طاقة الانوثه هي قوة متل المي و بعد في كتير و عطیت رفيقتي فكرة بسيطه عن الموضوع طبقتو بموقف وقالتلي فعلا عمل فرق. "

شكراً كتير كتير كتير على هالورشة

" عنجد كانت قوية كتير! المعلومات عميقة وبدها تركيز وهيك، بتصيب بالقلب من جوّا وما فينا نستخفّ بشي مهم أبداً. عنجد بتستاهل كل ثانية، وشكراً من كل قلبي. حسّيت عنجد إنو البنت القديمة يلي كانت جوّاتي، بفترة معيّنة من حياتي، طاقتها هيّي اللي طلعت، وكنت مبسوطة. شكراً "

صراحة هيدي أوّل مرّة

"صراحة هيدي أوّل مرّة بحضر كورسك وأنا عنجد بلا كلام! من وقتها لهلّق وأنا عم فكّر بكل كلمة قلتيها، وعنجد انصدمت قدّيش كلّه صح وحقيقي. والله شكراً يا زنزونة وبحبّك. "

مرحبا

"كنت بدي احكيكي ابكر بس كان عندي امتحان و مستحيل اعطيكي رايي عن الورشة بلا ما راجع كل شي لان بكون مقصرة بحقك .انا جدا جدا جدا ممتنة لهالورشة و لتعبك و مجهودك كل شي حكيتي ترك اثر فيي مثل العادة كلامك جواهر والله بس اكثر جملة كان الها بصمة انو علمو حالكن تستقبلو و وازنو بين الاخذ والعطاء .اوووووف شو صابت قلبي ,و كمان لما حكيتي عن تقدير الذات تعلمت كتير اشيا جديدة ما كنت بعرفها عن طاقة الانوثة و الذكورة و قدي مهمين تعلمت قدي طريقة التعبير عن مشاعري و كيف وصلها ضرورية. كتير ضويت على افکار نحن مننساها بسبب روتين حياتنا السلبي و علمتينا الروتين الايجابي بتشكرك من كل كل قلبي لكل شي قدمتيلي يا و بعدك عم تقدمي. انت نعمة لحياتي باصعب وقت مرقت في حكيتك و ساعدتيني و تحسنت حياتي. و لهلا ممتنة والله كل نصيحة من نصايحك ان كان ب فيديو ب انستا او جلسة او ورشة جوهرة و بتترك اثرها."

صباح الخير زينة

"الورشة كلها رائعة واستفدنا منها وعنجد كلها معلومات دسمة، وقد ما حقيقية بتوجع لان بتضوي وبتلمس كل شي جواتنا ونحنا عم نعيشه بعلاقتنا حالنا ومع الشريك. بس بالنسبة الي اهم شي ان نركز على حالنا وعلى مسؤوليتنا بالعلاقة اكتر من على الشريك "

يسعد صباحك

" يسعد صباحك وضلك منورة ومطوريتلنا حياتنا التمارين تمام و اهم تمرین اثر فيي و عم عيدو تمرين المراية وكتابة رسالة لنفسي اخدت كتير notes و بعد في كتير و الحماس مليون صراحة للجلسة المقبلة "

تُرفع لك القبعة ع هيدي الورشة

"أكثؤ من رائعة و التمارين فتحت كتير بواب نحن ما عنا الجرأة نفتحها كان اذا أول نهار هيك كيف باقي الايام؟؟ شكرا كتير على هيدا الاستثمار الاكثر من روعه "

بدي قول إنو السيشن كانت عنجد ممتعة

" ما تخيّلت تكون هلقد دسمة ومليانة معلومات. يعني إذا من أوّل يوم هيك، كيف رح تكون باقي الأيّام؟ عنجد أنا كتير كتير مبسوطة إنّي قدرت كون جزء من هالـ workshop وسجّلت فيها، يعطيك ألف عافية. وكتير كتير متحمّسة للي جايي. "

الله يوفقك يارب

" زينة صراحة عنجد مش بس علاقتنا اتحسن بشكل جداً جميل حتى علاقتي من نفسي اتحسنت و صرت مرتاحة نفسيا وعقليا مع ذاتي والله وجدا جدا استفدت بكتير امور كنت ما اعرف اتصرف فيها طلعت جدا سهلة التصرف هونتيلي حياتي كلا والله شكراً كتير و اكيييييد ما رح افي ولا ورشة و ضيع عحالي معلومات اكثر بتفيدني بحياتي والله شكرا "

صباح الخيرررر

"صراحة كان من أحلى الكورسات لي آخديتن والله يعني بيحكي عني أنا ك بنت بغضّ النظر إذا مرتبطة او لاء وانو كيف اشتغل ع حالي من جوا تا شوي شوي يبلش يعكس لبرا وعنجد انا كتير بحاجة لهيدا الشي لأن صار لازم بلّش بهي الرحلة من اول وجديد وإفهم حالي واعطي الحب الغير مشروط لحالي والثقة بغضّ النظر عن كل شي قطعت فيه.. فوقتها بقدر أعرف الشخص المتوازن لي حا يكون يحياتي Thank you كتير كتير على كل شي وعلى هالمعلومات، عنجد أنا ممتنّة كتير. وبصراحة حسّيت حالي متل كأني بـ lala land. لأنّو كلّو مرتبط ببعضه، ويمكن ما في إلا أنا single، فهالـ exercises والأسئلة تبع الـ partner رح آخدن بعين الاعتبار، متل ما قلتيلي. "

مرحبا حبيبة قلبي

" يمكن أحلى شي عملتو بحياتي إني سجلت معك بالورشة. بشكرك من كل قلبي، كل رسالة أو كل فويس عم يلمس شي جوّاتي. بحبّك كتير، وإن شاء الله معك رح تتغيّر حياتي، لأني اكتشفت إنو أنا كل شي عندي تعلّق."

صباح الخير زينة

"انا ممتنة كتيييير لهالورشة الحلوة والعميقة جداً جداً فعلاً كانت ورشة غنية بالمعلومات والتمارين صح بعد ما طبقت كل شي بس حسيت انو لمست شي جواتي كنت بحاجة لحدا يطلعو مني وحسيت أدي الحياة الزوجية بتكون حلوة وسلسة اذا فهمنا بعض صح واذا تواصلنا صح واكتر شي لمسني الصراحة هوي انو اكتشفت بحالي اني من الأشخاص يلي كتير بيشتغلو عالعلاقة مع الشريك وكتير بدي طور فيها بس كلو كان out of fear عشان هيك ما كنت عم اوصل للي بدي ياه بس هلأ تعلمت انو انا لازم اشحن حالي بالأول وكون مبسوطة واشتغل بالعلاقة out of love and trust كتير شكراً وحب كتير مني لأهضم كوتش ."

صباح الخيرررر

" كان بيجنن شكراً من كل قلبي الك انت وغنوه وآيه عنجد انا حسيت انو صرت انسانه واعيه وبلشت افهم حالي اكتر واعرف اشتغل ع كل شي جواتي كيف لازم اتصرف وكيف اوقف عند حقي واتقبل حالي وما اجلد نفسي وكتيرر اشيا كتشفتا معكن بهيدي الورشه فيي ما كنت منتبهتلا انا بتشكركن من قلبي. "

مرحبا

" اليوم 11/15 ولأول مرة من يوم 1/4 قدرت من بعد الجلسة التانية بالورشة اني اقدر اتخيله مع غيري و قدرت شوف المشهد كامل بدون ما أنكر انه مستحيل و قول مو قادرة اني اتخيل،شفت و بوعي حقيقي كمان انا قبل كنت اتظاهر بالقوة و قول انه خيانته ما هزتني و عادي بكفي مع غيره ، بس طلعت عم كذب ع حالي ، هلأ انا قويت صح و عرفت انه المشكلة مو مني المشكلة فيه هوه ، و انا من حقي اني اعيش، هادي المشاعر مع حدا بستاهلني... شكراً للجميع للي وصلني لهاي النقطة شكراً لزينة و غنوة و آية "